مدخل:
أنا قلبي شاخ وسط الأم
ملقيش مكان يدفن ماضيه 
قام دفنه بين ورقة وقلم 

غريق ف بحر ماضيك 
عايش وهمك جوه قلوبك 
نفسك بالأحزان بتضيق 
ماشي بهمك جوا جيوبك
شارب كاسك.. شارب مر 
كل الناس مشكلاتها تعدي 
وانت محطة.
قطر همومك فيها مجرش.. مش هيمر
روحك تايهة ما بين سراديبك 
من سرداب تاني لسرداب 
شرايينك للكسر مراسي 
حزنك وسط الدم أهو داب
من كتر الطيبة اللي ف عينك 
وسط الناس دايما تتعاب 
قلبك الأبيض..
جوا عقولهم.يفضل عاصي
حتى إن تاب
عيش مع نفسك 
جوا بحورك 
موت ف أوراقك 
رد الباب.